Tuesday, December 07, 2021

ඊජීප්තු වැසියන්ගේ කතාන්දරය

 


ළගදී මාධවගේ මතක අලුත් විය. හේතු කාරණා සරලවම සරල එකක්ය. එනම් මාධව දන්නා කියනා අයෙක් මෙහි තවත් ගොදුරක්  වීමය. ඒ් ගොදුරු වීම අදාල නැත. පරණ කතාන්දර ටික ගලපා කතාව කියන්නට පමණක් මාධවට උවමනා කර ඇත්තේය. ගත යුත්ත ගන්නා වූ අය ගත යුතුමය. මේ කියන්නට යන්නේ මාධවලාට අනාගතයක් සැදීමට වෙහෙස වන ඊජිප්තු වැසියන්ගේ කතාන්දරය වන්නේය.

මාධව නන්නත්තාර වී ඇත. මීට පෙරද එසේමය. ඌ නන්නතාර වීම පටන් ගත්තේ උසස් පෙල කෙලවාගත්තායින් පසුවය. ඒ්ක ලංකාවේ සංස්කෘතික අංගයක්ය. අසමත් වූ විභාගයක් නිසා ලාංකික තරුණයින්ගේ තරුණියන්ගේ ජීවිත කෙලවීම ලාංකිකව සංස්කෘතියට බද්ධ වී ඇත. ටෙක් ජීවිතයේ ඇතුලතටම වී ටෙක් එකේ පොරක් වීමට දත කෑම නිසා සමාජයේ පොරක් වීමට මාධවට නොහැකි විය. ඒ් ගැන කිසිදු දුකක් එනමුදු ඔහුට නැත. පොරක් වී ඇතැයි සිතනා උන් අද නන්නත්තාර වී ඇති නිසා සමාජයේ හැංගී සිටීම වාසනාවන් ය. ඒ් නන්නත්තාර වූ ජීවිතයේ එක්තරා කාලයක මාධවට මුල්වරට ඊජිප්තු වැසියෙක් හමු විය.

මේ කියන්නට යන්නේ ආන්න ඒ ආකාරයට අනවසරයෙන් ලංකාවේ වෙසෙන ඊජිප්තු වැසියන් ගැනය.  

Tuesday, October 05, 2021

මනසට ආදරයෙන් තට්ටු කරමු. මේ එයට කාලයයි!!!

 


මාධව මීට පෙරද දිනක මේ ගැන කියා ඇත්තේය.

ශාරීරීක දණ්ඩනය ලංකාවේ රෙජිස්ටර් වී ඇති අතර නීතියට අනුකූල යැයි සලකන දඩුවම් ය.

ඉතිං කවරුත් දන්නා පරිදි ඒ් අසරණ පියා නොසන්ඩාල ළමයාට කොස්සෙන් ගැසුවේය! අකීකරු පුත්‍රයාගේ අකීකරුකම් සදහටම නිම විය. පියාට ලැබෙනා දඩුවම මාධවගේ අදහසේ හැටියට නම් උපරිමයෙන්ම ලැබී ඇත්තේය. ආයේ නීතියෙන් කරන්ට දෙයක් ඉතුරු වී නැත්තේය.

මාධව ළගදී බැලූ මලයාලමේ කතාව මාධවට මතක් විය. මේ සේරම අලලා මාධව කියන්නට යන්නේ ලාංකික දඩුවම් කලාව ගැනය. සේරටම කලියෙන් කිව යුතු වන්නේ මාධව ද මව පියාගෙන් ඇති පදම් ගුටි කා ඇති බවය. එසේම ඒ්ක මහ වේදනාකාරී හැගීමක් බවත් ය. 

Sunday, September 12, 2021

එක!

 


මලයාලම් සිනමාව අපූරුය. කුමක්දෝ හේතුවක් නිසා මලයාලම් සිනමා බැලීමේදී මේ පුංචි රටට නොහොත් සිරි ලංකාවට හිතේ කොනක හෝ ආලයක් ඇතැයි සිතෙන්නේ ය. ඒ්කට හේතුව ලෙස මාධව සිතන්නේ ඒ්වායේ පෙන්වන පරිසරය ලංකාවේ පරිසරයට බෙහෙවින්ම සමාන නිසාවෙන් ය. වෙන්නප්පු,  පරිසරය ඇත්තටම කුම්බලාන්ගියේ පරිසරයට ද, තවත් සිනමා සිත්තං කීපයක්ම මාධවලාගේ ගම් පියස සහ නුවරඑලියේ පැත්තට සමාන සේ පෙනුනු නිසාම දැනුනේ මේ රටට නහුතෙට කෙලවී ඇති උනත් ආදරය කරන්නට හේතු ඇති බවය. 

Wednesday, August 25, 2021

වේදිකාව මත කතාන්දරය........

 

පාසලේදී විවිධ ඇත්තෝ වේදිකාවට ගොඩවන්නේය.

මාධවද ඒසේ වේදිකාවක් වගේ එහෙක නැගලා ඇත්තේය.

මේ කියන්නට යන්නේ පාසල් කාලයේ කතාන්දරයක්ය.  

Saturday, June 26, 2021

ඒකොලොස්වැනි ජනේලය!

 


  Microsoft සමාගම විසින් windows 11 ලෙස ඔවුන්ගේ නව මෙහෙයුම් පද්ධතිය මේ වන විට නිකුත් කර ඇත.

Official Web page  - https://www.microsoft.com/en-us/windows/windows-11

Saturday, June 05, 2021

ශිෂ්‍යයා , මාලුවා සහ මහනුවර.....

 


- එක ~ "මහනුවර"

මහනුවර කියන්නෙ මහ අපූර්ව නගරයක්.

ඒ නගරෙ හැමවෙලේම සැරිසරන දේශීය සහ විදේශීය මහ ජනතාවට පෑගෙන වැලි කැටයක් ගානෙම මහ පුදුම හිතෙන කතාන්දර තියනව.

ඒව මහනුවර ඉතිහාස පොත් වල නොලියවුනු එකිනෙකාගෙ හිත් අදුනන කතාන්දර විතරක්ම වෙලා.

ඒව මහ පුදුමාකාර ඒව වෙන්ඩ පුලුවන්. සාමාන්ය කතාන්දර වෙන්ඩත් පුලුවන්. හැමෝම දන්න කතාන්දර වෙන්නත් පුලුවන්. නොදන්න කතන්දර වෙන්නත් පුලුවන්.

කලු සුදු කතන්දර වෙන්නත් පුලුවන්. වර්ණවත් ඒව වෙන්නත් පුලුවන්. දුක හිතෙන සතුටු හිතෙන දුක සතුට දෙකම මිශ්ර වුන කතාන්දර වෙන්නත් පුලුවන්.

කොහොම උනත් කතන්දර නොවැ..

පුදුමෙනුත් පුදුමෙ කියන්නෙ ඒ එකක්වත් කවුරුවත් හිතල නිර්මාණය කරපු කතාන්දර නම් නෙමෙයි. ඒව නිර්මාණය උනේ සොබා දහමෙන්. මහනුවර රමණීය පරිසරයම කතාන්දර නිර්මාණය වෙන්ඩ තෝතැන්නක්.

මිනිස් දුවකට ආලෙ පාපු මහනුවර වැවේ තෙප්පිලියගෙ කතාව මහ නුවර කතා අතරින් ආන්න එහෙම වැලලිලා තියන එකම එක කතාවක් විතරයි.

මහ දහවල උදා වෙන්න හෝරාවකට කලින් රැජින හෝටලේ ඉදිරි පස ශ්රී දලදා මාලිගාවෙ පිවිසුම් දොරටුව කිට්ටුවේ වැව් බැම්ම ගාව වැව් සුලගට නටන කෙහෙරැල්ලක් එක්ක ඉදපු මේ මුලු මහනුවර රාජධානියේම ඉන්න හැඩකාරම කෙල්ලට ආලේ වඩපු මාලුවගෙ කතාව...

ලා නිල් පාට සල්වාර් එකක් ඇදං ගිනි මද්දහනෙ උණුසුම පරදවලා සෞම්ය පරිසරයක් ඇති කරපු ලස්සනම ලස්සන පුංචි කෙල්ලට ආදරේ කරපු මහ නුවර වැවේ ඉන්න මාලුවගෙ කතාව...

කිසිදාක නොලැබෙන මානවිකාවක් බව දැන දැනත් දුටු මනතින්ම ආලෙන් බැදුනු මාලුවෙකුගේ කතාව

එකමත් එක දවසක පටන් තවමත් ජීවත් වෙන රස්තියාදුකාර තෙප්පිලියාගෙ ජීවිතේ අමතකම නොවන අඩ හෝරාවක කතාන්දරය...

මහනුවර ඉතිහාසයේ කිසිදාක නොලියවුනු තවත් ජීවිත කීපයක පුංචි කතාන්දරය...

Thursday, May 27, 2021

නෙත්කලු...........

 


එකමත් එක කාලෙක වෙරලබඩ සුන්දර ගමක් තිවුන. හරිම සුන්දරයි. හවසට ඉර බැහැගෙන යනකොට ගමේ මිනිස්සු වැල්ලට එක්කාසු වෙලා සින්දු කියනව. නටනව. කනව බොනව.. හරිම ප්රීතිමත් ගම්මානයක්. හවසට ඉර බැහැගෙන යනකොට රතුපාට ඈත ආකාසෙ පසුබිම් කරගෙන පෙම්වත්තු එකිනෙකාට තුරුල් වෙලා මහ සාගරේ දිහා බලාන හීන මවනව.

ඕන්න ඔහොම කාලය ගෙවුන.....

Tuesday, May 04, 2021

මචන්................

 

මචන්.............
 
අපේ එකෙක් තමයි උඹත්
රටවිරුවෙක් වෙලා හිදින
පුරවැසියෙක් ලෙස දෙන්නම්
ඔවදන් මේ ලෙසින් උඹට

Monday, April 26, 2021

උසස් පහක්....(high five)

 

 

තුන්වෙනි වටය ඉවර වෙද්දි ඒ අත් එකට හමු උනා. 

මල්ලි පහක් දාන්ඩ....

ඒ හඩ මූල්‍ය සමාගමක ලොකු කලමණාකාර මහත්තැන් කෙනෙක්ගෙ. ආයතනයේ නම තරම්ම ලොකු තඩි බඩකුයි, ටිකක් කෙස් ගියපු හිසකුයි, හති දාන්නම ඇරුණ කටකුයි දාඩිය වැගිරෙන මූනකුයි උරුම කරගත්තු සද්ධන්ත මනුස්සයෙක්. ලාංකික කලමණාකාර පෙනුමට ටිකක් සමානයි ඉතින්.

පහක් දාපන් කිව්වෙ මාධවට.  High five කියන්නෙ එහෙමත් නැත්තන් සිංහලෙන් දාපන් පහක් කියන්නෙ වැඩක් සාර්ථක වෙද්දි හරි සංතෝශෙන් දාන ඇක්ශන් එක.

විකට්ටුවක් ගියාම ක්‍රිකට් ටීම් එක එකාට එකාට අත් දෙකම උස්සලා දාගන්නෙ..නාස එකේ සල්ලි නාස්ති කරන ආකාශ විද්‍යා මහත්තුරු රොකට් එක යවලා කෑ ගහගෙන දාන්නෙ. හෝව් හෝව්. ඒක අත් දෙකෙන්ම දාන දහය. තනි අතින් දාන්නෙ පහ.
සුද්ද ඒකට දාපු නම තමා high five. උසස් පහක්.. 

Tuesday, April 13, 2021

අවලස්සන කතාවක්

 

 
මහ වැස්සක තෙමෙන එකම සුන්දරයි. ආදරණීය කෙනෙක් එක්ක අතැඟිලි පටලගෙන තෙමෙන එක තවත් ආනන්දනීයයි.
හැබැයි ඒ වැස්සෙම මනුස්සයෙක් දුවගෙන දුවගෙන ඇවිත් පාර අයිනෙ තියන ලයිට් කණුවක් උඩට බඩ ගාල ඒක උඩන් ඉදන් මහා ආවේගෙන් කෑ ගහල ඒ කණුවෙන් බිමට පැන්නම......
පාර මැද්දෙ වැහි වතුරට තනුක වෙන ලේ විලක සදහටම සැතපුනාම....
අගක් මුලක් නැතිව විසදුමක් නැති දෙයක, මහ පැටලැවිල්ලක ඇරඹුමක් බවට ඒ කතාව පත් වුනාම
ආන්න එතකොට ඒ වැස්ස තව දුරටත් ආනන්දයක් වෙන්නෙ නෑ මිත්රවරුණි....
මේං ඒ කතාන්දරය.....

Saturday, April 03, 2021

වරුසාවේ ගීතය - ඔලුකට්ටේ කතාන්දරය


 


එක්දාස් නමසිය බර ගණන් වල ලංකාවට නිදහස ලැබෙන්න ඔන්න මෙන්න කාලෙ මහා දේවල් වෙනස් උනා. ආන්න ඒ කාලේ ලංකාවෙ බිහිවෙමින් තිබ්බ අමුතු දේවල්.
 
මේ ඇත්තො අහල තියනවද දන්නෑ piano tuner කියල තනතුරක් ගැන. නෑ නෙව. හැබෑට දැන් ඒකට කියන්නෙ piano technician කියල. තාම එහෙම ඒව තියනව ඇති. සංගීත මාස්ටර්ලත් ඕව කරනවනෙ දැන්.
 
මහත්තයෝ සුද්දන්ගෙ කාලෙ ලංකාවට, සිලෝන් වලට පියානෝ ගෙනාව. පියානෝ එකට වහන්න උන් සිලෝන් වල ඉදපු ඉස්තරම්ම කොටියො, දිවියො මරන්න ගත්ත. ඕන්න ඔය දඩයම් කණ්ඩායමක සුද්දන්ට උදව් කරන්ඩ අපේ අප්පච්චි ගිහින් හිටිය. ඒ වෙද්දි නිදහස ලැබෙන්න ඔන්න මෙන්න...
 

Monday, March 29, 2021

වරුසාවේ ගීතය.....




මහත්තයා....

කරපු පව් ගැන වමාරන්න හැටියක් නැතුව මේ අමු සොහොනෙ විදවන ඔලු කටු බොහොමයි. ඒ අතින් මම වාසනාවන්තයි මහත්තය.

ජීවත් වෙලා ඉන්නකම් මහම මහ අලුගුත්තේරු කටයුතු හුගක් කොරල තියනව.

ඒ පව නිසා හරියට වැලලෙන්නවත් පිනක් නෑ..

මහත්තය අහනවද මේ කතාව...... 

මඩ වතුරට ගහගෙන ආව මං මේ කියන කතාව..
..............................................................................................

Thursday, March 25, 2021

සිහින ලොවක් දුටුවා මතකයි... ක්ලැරන්ස් මහතාගේ ගීතය.

බඹරාට අද බොහොම දුශ්කර දවසක්. වෙහෙසයි. නිදිමතත් තියනවා. ඒ අස්සෙ යටියන්තොට පොලීසියේ තියන රියදුරු බලපත ලබා ගන්නත් ඕනි. යන්නම ඕනි ගමනක් ඒක..

හෙට සිකුරාදා දින පෙර පුහුණු වැඩසටහන් කෙරෙන නිසා හෙට දිනත්, සෙනසුරාදා ආපහු කාර්‍යාලයේ කටයුතු යෙදෙන නිසා අද බ්‍රහස්පතින්දා දින භාගයක නිවාඩුවක් දාලා ආවා. මෙහේ ඉදන් බොහෝම දුරක නොවැ ඒ ගමන. යන්ඩ පෑ දෙකයි. එන්ඩ පෑ දෙකයි.. 

Sunday, January 31, 2021

ෂුක්රාට!

 


සැරිසරණා සමණලුන් අතරේ

මල් පෙති ඉහිරෙනු දුටුවා