canva පිලිබඳව මාධව මීට පෙරද ලිපියක කෙටි හැඳින්වීමක් ලියා ඇත. මේ ලිපියෙන් ඒ ගැන වැඩිදුර විස්තර ටිකක් කියන්ට යන්නේය. මාර්ගගත සේවා භාවිතා කිරීම ප්‍රචලිත කල යුතු සමයක් නිසා මාධව වැඩි වැඩියෙන් තාක්ෂණික ලිපි ලියනුයේ ඒවා ගැන විය හැකිය.
මේ Canva ගැන දෙවැනි ලිපිය ය.
Canva භාවිතා කිරීමට නම් ඔබට කැනාවා පිලිබඳව අවබෝධය තිබුනාටම මදිය. නිර්මාණාත්මකව කාර්යයන් කිරීමේ කලා හැකියාව ද අත්‍යවශ්‍ය වේ. එනයින් කලාව ඇගේ ඇති උන්ට මෙන්ම උගෙන ගන්නා අයවලුන්ට ද මේ Canva අපූරු වෙබ් අඩවියක් ය.
Canva සහ Canva Pro යනුවෙන් අවස්ථා දෙකක් ඇති අතර Canva Pro යනු මිලදී ගත යුතු පහසුකම් රැසකින් යුතු ගිණුම වන අතර Canva හි ගිණුම නොමිලේ ලබා දෙන නමුත් පහසුකම් සීමිත වේ. එසේ වුවද දක්ෂයෙක් සඳහා අවශ්‍ය බොහෝ පහසුකම් එහි නොමිලේ ලබා දී ඇත. දැනගත යුතු ප්‍රධාන කාරණාව වන්නේ මෙය අන්තර්ජාලය මත පදනම් නිසා ඔබගේ නිර්මාණය සෑම විටම ඔවුන්ගේ පද්ධතියේ තැන්පත් වන අතර අවශ්‍ය විටෙක සම්පූර්ණ කල නිර්මාණය බාගත කල හැකිය.
මෙහි සිදු කල හැකි නිර්මාණ වලට සීමාවක් නැති බව මාධවගේ අදහසයි. විවිධ පෙර සැකසුම් ලබා දී තිබුනද ඒවා නැතිව අමුවෙන්ම කැන්වසය මත අඳින්නා සේ නිර්මාණ කරීමට ද අවකාශ ලබා දී තිබේ.
Canvaවලින් කල හැකි දේ
පළමුව Canva වලින් සිදු කල හැකි දේවල් කිහිපයක් සලකා බැලිය හැකිය
- වදන් සැකසුම් - ලිපි, රචනා සහ එවැනි typesettings ආශ්‍රිත කටයුතු
- පෝස්ටර් නිර්මාණය - බැනර්, පෝස්ටර්, අත් පත්‍රිකා, ආදී.....
- අයදුම් පත්‍ර / CV / Resume නිර්මාණය
- පොත් කවර සහ සඟරා කවර ආදී නිර්මාණ / ආරාධනා පත්‍ර
- Presentations - කදා - ඉදිරිපත්කිරීම් / Slides
- ජායාරූප සංස්කරණය ආශ්‍රිත කටයුතු
- ලෝගෝ නිර්මාණය
- කැලැන්ඩර් නිර්මාණය
- වෙබ් අඩවි සහ මෘදුකාංග සඳහා පෙනුම නිර්මාණය
නිර්මාණාත්මක හැකියාවන් ඇති අයට මෙයින් එයාට ගොස් අපූරු නිර්මාණ සිදු කර ගත හැකියාව ඇත.
Canva වලට පිවිසීම සහ ගිණුම නිර්මාණය කර ගැනීම
https://www.canva.com/ ලිපිනයෙන් මෙම වෙබ් අඩවියට පිවිසීමට හැකියාව ඇත. ඉන්පසු Sign up වෙත ගොස් අදාල විස්තර ලබා දී ඔබගේ ගිණුම නිර්මාණය කර ගත හැකිය. වඩාත් පහසු වන්නේ ඔබගේ gmail සමඟ ගිණුම නිර්මාණය කිරීමය.
ගිණුම සාර්ථකව නිර්මාණය කෙරුනේ නම් ගිණුමට ප්‍රවේශ විය හැකි අතර ඉන් පසු පහත ආකාරයට ඔබට පිටුව දිස්වේ.
එහිදී වම්පස තීරුවේ පහත කරුණු දක්නට ඇත.
Home - ප්‍රධාන පිටුව
Projects - ඔබ විසින් සිදු කරන නිර්මාණ කටයුතු තැන්පත් වන ස්ථානය
Templates - පෙර සැකසුම් සාම්පල ඇත්තේ මෙහි වන අතර එහි නොමිලේ දෙන පෙර සැකසුම් ඔබට භාවිතා කල හැකිය. මිලදී ගැනීමට ඇති සැකසුම් Crown සලකුණක් වැටී ඇති අතර ඒවා භාවිතය සඳහා Canva Pro ගිණුමක් මිලදී ගෙන සක්‍රීය කල යුතුය.
Apps - මෙහි ඇති මාර්ගගගත යෙදවුම් මගින් සංකීර්ණ කටයුතු සිදු කර ගැනීමට අවස්ථාවන් ලබා දී ඇත. උදාහරණ ලෙස QR කේත නිර්මාණය කිරීම, වචන අලංකාරව නිර්මාණය කර ගැනීම (Word Art) ආදී කටයුතු
Trash - ඔබ විසින් නිර්මාණය කර පසුව ඉවත් කරනු ලබන අනවශ්‍ය දෑ මෙහි අඩංගු වේ. දින තිහකින් පහු අදාල නිර්මාණය ස්වයංක්‍රීව ඉවත් කර දමන අතර එය ඩිලීට් කර දින 30කට පෙර ආපසු ලබා ගත හැකිය.
Canva වැඩපොත
Canva විවෘත වූ පසු නව ව්‍යාපෘතියක් ආරම්භ කල හැකි අතර සෙවුම් බාර් එක භාවිතයෙන් අවශ්‍ය සාම්පල - Templates සොයාගත හැකිය.
එහිදී අවශ්‍ය පෙර සාම්පලයක් තෝරාගත් පසු ලැබෙන නව වැඩපොතක පෙනුම පහත පරිදි වේ.
මෙහි වම්පස ඇති විවිධ අයිතම වල පහසුවෙන් ඔබගේ සංස්කරණ කටයුතු වලට අවශ්‍ය පහසුකම් අන්තර්ගත කර ඇති අතර ඒවා පරීක්ෂා කර භාවිතා කර බලා ඔබගේ නිර්මාණය වර්ණවත් කර ගන්න!
සටහන - මෙම Canva හි මෙම ඔටුන්න (ක්‍රවුන්) ලකුණ ඇත්තේ Canva ප්‍රෝ හෙවත් මිලදී ගත යුතු පහසුකම් සඳහා වෙන අතර නොමිලේ ලබා දෙන අයිතම වලල එම ලකුණ සඳහන් නොවේ.
එසේනම් මෙම අපූරු වෙබ් යෙදුම පිලිබදව කතාන්දරය නිමා කරනු ඇත. දුකම විඳිමින් වැස්සේ තෙමෙන සැමට ජය ප්‍රාර්ථනා ලැබෙනු ඇත.
