මහා විශාල ව්යසනයකින් යන්තම් හිස ඔසවා නැඟිටීමට වෙර දරණ ලාංකිකයින්ය මේ වෙලාවේ අත්වැල් බැඳ සිටින්නේ. මෙය සුලු පටු ව්යසනයක් නොවේ.
සුනාමියට එහා ගිය එකකි.
පසුගිය 27 වැනිදා සන්ධ්යාවේදී මහා නායයාමක් සිදු වූ මහනුවර දිස්ත්රික්කයේ උලපනේ නායෙන් අනූ නමයෙන් දිවි බේරාගෙන, මහ වැසි මැද නිවෙසට පැමිණීමට ආ ගමන ආපසු හැරී කෙලින්ම කාර්යාලයට ගොස් ගම්පොල කොට්ඨාශයේ මිනිස්සු වෙනුවෙන් ඒ මේ අත දුවමින් ආපදා සහන සේවා සැලසීමට ලැබීම එකාතකට භාග්යයකි. කෙසේ වෙතත් මේ එළඹී ඇත්තේ රටකට අවස්ථාවකි. බොහෝ ආධාර ලැබෙමින් පවතී. එසේ හෙයින් මේ සිදු වූ හානියෙන් මිදී රට තිබුනාටත් වඩා ඉහලට එසවීමට සියලු දෙනා එක්රොක් විය යුතු වන්නේය.
මේ වෙලාවේ බොරදියේ මාලු බාන සැට් එක ගැන වෙනම දේශපාලනික ලිපියකින් කතා කර යුතු බැවින් ඒ ගැන නොකියමු. සරලව කිව්වොත් මේ ලිපියේ අසූචි ගා ගත යුතු නැත. ආපදාව පිලිබඳව කතා කිරීමේදී විශේෂයෙන් ගම්පොල කොට්ඨාශයේ දී දුටු කාරණාව නම් ගංවතුරින් සහ නාය යාම් වලින් සිදු වූ හානිය සුලුපටු නැත. සැබැවින්ම පැවසූයේ නම් ගම්පොල කොට්ඨාශය සම්පූර්ණයෙන්ම හුදකලා විය.
මහා මාර්ග නාය ගොස් ගස් කඩා වැටී හෝ ගං වතුරින් වැසී මාර්ග අවහිරතා ඇති විය. පානීය ජලය නැත. විදුලිය නැත. සියලු දෙන සම්බන්ධ කරන දුරකථන සම්බන්ධතාද නැත. සම්පූර්ණයෙන්ම හුදකලා වූ ගම්පොල කොට්ඨාශය සැබැවින්ම අසරණ විය. මරණ සංඛ්යාව තවමත් ගණන් බලා නැත. ආසන්න වශයෙන් කොට්ඨාශයේ මරණ සංඛ්යාව 50 ඉක්මවා ඇත. අතුරුදන් වූවන් තවත් එකතු වන්නේය. තත්වය කිසිසේත්ම සරල නැත. එය දරාගත හැකි මට්ටමෙන් ඔබ්බට යමින් පවතී.
එබැවින් ගම්පොල කොට්ඨාශයේ ජනතාව සඳහා උපකාර දැන් අවශ්ය වේ. පානීය ජලය මූලිකම අවශ්යතාවලින් එකකි. ඊළගට වියලි ආහාර, සනීපාරක්ෂක ද්රව්ය, ඇඳුම්, දරුවන් සඳහා අවශ්ය සියලූම දේවල් අවශ්ය වේ. සියලුදෙනාගේ ජීවිත සුවපත් කිරීමට ගම්පොල ප්රාදේශීය ලේකම් ඇතුලු රාජ්ය නිලධාරීන්, පොලීසිය සහ වෙනත් රාජ්ය ආයතන මැදිහත්ව ඇත. ඒ සා වූ ව්යායාමය සුලුපටු නැ. ඒ නිසා පරිත්යාගශීලී ඔබගේ දායකත්වය අත්යවශ්ය මොහොතයි මේ.
කරුණාකර පහත දෑ වලින් පරිත්යාගයන් අවශ්ය වේ. ඔබට ඒ සඳහා පහත දුරකථන අංක වලින් සම්බන්ධිකරණයන් කර ගත හැකිය.
0812352236 - ප්රාදේශීය ලේකම් කාර්යාලය - ගම්පොල
0776073321- ග්රාම නිලධාරී - චතුරංග මහතා
0777160292 - සමෘද්ධි සංවර්ධන නිලධාරී - රෝෂාන් පෙරේරා මහතා
ගම්පොල කොට්ඨාශයේ පිරිස් සඳහා වැඩිපුරම අවශ්ය වනුයේ පහත දේවල් ය.
ආහාර අවශ්යතා -
පානීය ජලය සහ පානීය ජල බෝතල්
හාල් පොල් ඇතුලු වියලි ආහාර
සෝයා සහ සැමන් වැනි කල්තබා ගත හැකි ආහාර ද්රව්ය
තුනපහ මිරිස් කුඩු වැනි ආහාර පිසීමට අවශ්ය කුළුබඩු
පොල්තෙල්
ඇඳුම් අවශ්යතා -
දරුවන් සඳහා ඇඳුම් සහ සෙල්ලම් බඩු
කාන්තාවන් සඳහා ඇඳුම් සහ සනීපාරක්ෂක ද්රව්ය
පිරිමි ඇඳුම්
ප්රථමාධාර සඳහා අවශ්ය බෙහෙත් ද්රව්ය
මේ ආදී දෑ හැකි ඉක්මණින් ගම්පොල උඩපලාත ප්රාදේශීය ලේකම් කාර්යාලයට ලබා දෙන්න. එමගින් ඔබ ලබා දෙන සහය සුලුපටු නොවේ.
කෙසේ හෝ මේ රටට සිදු වූ විපත්ති වලින් මේ රට වැටුනේ නැත. මහා කැරිස්මාවක් ඇති මිනිසුන් මේ රටේ ඉන්නෝය. ඒ මිනිස්සු තිස් වසරක යුද්ධයක් හිස මත දරාගෙන ගියෝය. සුනාමි ව්යසන, කොරා්නා ව්යසන දරාගෙන ගියෝය. එහෙව් රටක් කිසිසේත්ම වැට්ටීමට නොහැක.
ඒ නිසා අනුන්ට උදව් කරමින් උපකාර කරමින් අත හිත දෙමින් යලි සාමාන්ය ජීවිතයට එන්නට වෙර දරන සමීපතමයින් අහිමි වූ අපේම සහෘදයින්ට දිරිය දෙමින් ශක්තියක් වෙමු. සැබැවින්ම අපේ රට බිංදුවට වැටුනේ නැත! එහෙත් බිංදුවටම වැටුනා සේ සිතා නැඟිටිමු
මේ අපි හැමෝගෙම ශ්රී ලංකාවයි.