මරණයක් සිදුවුනා
කරුණාකර නීතිය අතට නොගන්න
පාරවල් වසමින් අවිනීත නොවන්න
පොදු මිනිසාට පීඩා නොවෙන සේ අරගල කරන්න
පාලකයාට රිද්දීමට කියා වැරදි මග නොයන්න
උන්ට රිදෙන්නේ සාමකාමී ආදරණීය අරගල පමණක්මය
ලේ පිපාසිත වූවන්ට
ආදරය තිත්ත වන්නේය
කුරිරු සිත් ඇත්තන්ට
ආදරය මරණීය වන්නේය
එබැවින්
ඔබගේ අරගලය සාමකාමීව නව්‍යකරණයකින් යුතුව සිදු කරන්න
ඔබගේ පීඩනය අපටද ඒ ආකාරයෙන්ම ඇත්තේය
එහෙත් අපි පොදු ජනතාවට පීඩා නොකරන්නෙමු
අරගලය පොදු මිනිසාගේ හිත සුව පිණිස විය යුතුමය
එබැවින් මිනිසුනේ
හැගුම්බර නොවන්න
උගුලට හසු නොවන්න
බුද්ධිමත් වන්න
සාමකාමී වන්න
එයින් ඔබගේ වටිනාකම වැඩි වනු ඇත
ලෙයට ලෙය,
ඇසට ඇස,
පණට පණ
යැයි මොරගා
ජීවිත බිලිගත යුතු නොවන්නේය
ජීවිත බිලිවිය යුතු නොවන්නේය
ආදරය කැටිකොට
අත්වැල් බැඳගතයුතු
සමය දැන් එලඹී ඇත
ඉතින් සියල්ල ඉවසා
ආදරණීය වන්න!
එයම ඇති මේ අරගලය දිනන්නට!!
