Sunday, October 06, 2019

ඇය......





තුරුනුවියේ පුංචි එකී, 
සන්නාසිය අරං ගියා 
නිධානයක් ගන්න කියා 
හැමට හොරෙන් අරං ගියා




පව් කරනා සන්නාසී
අදුරු රැයේ ඈ තනි කොට
නිධානයත් උදුරාගෙන 
ඈ වනයේ දමා ගියා... 

තනිවූ ඈ කදුලු සලයි 
පිහිටක් සොයමින් වැලපෙයි 
මහ වනයේ නිහඩතාව 
ඈ වෙත වරදක් පටවයි 

වනයේ රුදු වග වලසුන් 
මාන බලයි ඉව අල්ලයි 
සන්නාසී පව හින්දා 
ඈ විදවයි දුක් නින්දා 

රජ කුමරා ඈ වෙත විත් 
ඒ සුරතින් අල්ලාගෙන 
ඈ දුක් ගිනි නිවා දමා
සැනසුවේය දිවි ඈගේ....

මහ වනයේ ඉකුත් රැයක 
එක් පෙති මල මිලින උනා.... 
කුමරාගේ උනුසුම මැද 
මිලින කුසුම යලි පිපුනා.....

No comments:

Post a Comment

Your Comments / ඔබේ ප්‍රතිචාර